今天要去浸會驗血!!
基本上, 每次去醫院前一天, 我都會不安+睡不飽 (上次也一樣)
早上六點想左想右....想前想後.....想想下...覺得肚餓, 跑落街買左個[波羅包], 食飽後再訓...
我在想: 其實係唔係餓醒左呀?? 扮咩Q不安姐....=.='''
約了十一點半, 十一點十分先到 !! 等呀~等呀~ 望下週圍的病人, 我好驚...每個人都帶上口罩, 有D更加帶上帽子...大家都知道大家因為咩事黎到呢度..
左邊有一個新症, 頭帶冷帽子+口罩...說話好精神, 感覺上, 好樂觀去面對...
右邊的一個是老人, 坐在輪椅上...無黎精神...
我唔想望落去, 跑到另一角落..
我聽到有一對病人係度傾計, 話題是食咩對個病好, 化療又點點點...好似...呢件事唔係發生係自己身上噤....
當時我好想喊...我在想... 係唔係你去面對, 就唔會有事呢? 唔係囉...你只係可以去面對, 冇得揀!!! 所以...大家都係到扮冇野...
究竟, 呢 D樂觀人係夜深人靜時...會唔會喊呢? 係唔係噤堅強呢? 係唔係噤樂觀呢?
我好想知...
等左2個鐘, 到我喇...
博醫生見到我冇咩點重過, 就問: 你食唔食到野呀?
我: 食到呀...我食好多野架 !! 不過都唔重之麻...
(老公都點點頭)
醫生: 噤重有冇咩呀?
我: 冇肚痛, 冇肚漲, 冇腳腫...
醫生: UM~你記得好清楚喎~
坐上床比醫生模肚, 之後醫生話: 嗯...幾好丫, 個肚扁扁噤..
我笑了.......
公告版位
請喜歡這樣的我
- Mar 09 Mon 2009 23:43
今天要去浸會驗血
close
全站熱搜
留言列表