米瑾

以下是節錄自亞虫日誌
是我看不到的一面~

-------------------------------------

明天會更好

“明天會更好” －　有時好自欺欺人，有時又好安慰人心。

唔怕醜有事時候周圍搵朋友傾談, 況且世上再無人夠我唔要面, 今次… 第一次隻字不提, 第一次覺得”明天會更好”係呃人!! ≧︿≦

烏雲密佈的九月

望見”他”呆呆係手術室門外, 連叫”他”都聽唔到….

我好驚…

怕影響大家情緒, 只有偷偷行埋一旁喊…

轉過面, 見到細佬係身後牆邊, 跟我一樣, 偷偷飲泣…

由細到大覺得自己有責任保護lee個細佬感受o既我, 忽然覺得我喊你又喊, 你喊佢又喊…. 只會一起一直只識喊落去… 又如何呢?!

堅強點吧!! 無事o既… 我對自己講…

當再一次親眼望住”她”從手術室推出來o個刻, 一呼一吸…

我感動得眼紅了鼻酸了, 我相信係上天比我地最大o既恩賜...

原來無野比可以呼吸更重要, “希望”來自仍然可以呼吸, 我對自己講… 一切會變好…

因為以上想法, 係一個充滿希望而正面信息, 跟家人o既對比好大….

家人難過”她”所失去, 所以不段自責, 追究…

因此我亦痛哭了~ 難過… (想像…) 如果係我… 連身邊最親o既人都接受唔到自己, 如何安慰病床上o既我?! 我…又如何面對發生左o既事呢?!

直接地狠罵了一番…(#‵.′)凸

看似明白, 看似想通了o既媽媽幫我抹抹眼淚…

今天總算過去, “她”糢糢糊糊仍在睡…

當晚… 喊了整晚, 除了痛心”她”外, 還怪自己說話太過真接, 想法過份正面天真, 做人太過堅強理智… 無好訓過…